Amerika mhanela Emwotho Mhaydotho cal dmıdla u rişono da marhıbone li lohitheyda

Amerika mhanela Emwotho Mhaydotho, cal dmıdla u rişono da marhıbone li lohithayda da tedbire.

 Ba yawmotho dşaficina Emwotho Mhaydotho mahıtwola u rişono di Xilife da marhıbone d’Dacış Abdullah Kurdaş, dıkmidıc Emir Muhammed Abd El Rahman Al Mevleyi bi lohitho da farsufe dıkmahto tedbire aclaye.

Yawme dıtre dışaficina u mawtbo di mşaynutho d’emwotho, sictho da tadbire mıdla fusqono dımahto u rişono da marıhbone d’Dacş Amir El Mevle dkıtyo barmothoyo Iraqoyo bi lista da tabire dıkmitahti cala farsufe da tukose marıhbone lfuth u qonuno d’Emwotho mhaydotho dkıtyo 2368.

U hawbo dımahıt u fusqonano acle metul dıha ma frasufe dmıştacele dawro rabo bu zebono da Neşe Yezidoyotho u dsımle tagorutho di noşutho. Bıthır mu fusqonano d’Emwotho mhaydotho u waziro di baroyutho d’Amerika Mike Pompeo mhanele emwotho mhaydotho dımahıtla u rişono da marıhbone bi listeyde da tadbire, bi mawdconutho dıfrısle bu twetter mırle i dawsathe dawse ulsoytoyo du qmoro dımqabıl da marıhbone dıfoyış aminoyith.

Bi sbuthathe u mede dıgorış u zuhoro Amerika dımahıtwola u rişonano da marıhbone bi lista di marıhbonutho bu yarho d’İyor di şatathe. Lfuth i mawdconutho dhula i sfaryawmo Newsweek Amerikoyto mırla Qirdaş ha ma rabhaylawotho du zabno d’Sadamwe, wi mawdconutho dkito bıhaq dide ışmoyo.