21/03/2021

Macron thımle u İran dıkdoyış u qoyumo du nukleer dımdewo ba 2015

U rişqutno d’Fransa Emanuel Macron, thımle u İran dkımdawım bu dyoşo du qyomo du nukleer dımdewo ba 2015, u mawdacle du İran klozım bi ruho di mşalutho dımqadım li sbuthathe.

Mxasra hreto, i şultonutho d’Tehran mawdacla, da tagılyotho dıkmdawmi bu Iraq u b’Lebnon, dawsat di bceldboboyutho mqabıl du İran’ne.

U rişqutno d’Fransa Emanuwel Macron bıthır mi ytawto dhawile camu baramnayde d’İsroyel, mawdacle du İran klozım dmakle a’dyoşayde lu qyomo du nukler d’Viyana di şato da 2015, u mırle;Tehran klzoım dımhalqo a dawsat dıkmıntori mena, u dımqadmo li sbutho du nukler bi ruho di mşalutho”.

Bebzabno, Macron mawdacle di şultonuthayde gıdımdawmo dfulho bnişo dmitabde maşıqlo hatho da bazare şafye, udmitatım u kriz du nukler du İran, uba melani mdawamle “u medano i mıcnayde dfayto i tahrazto İranoyto du nukler lu duyoqo, u xıd mırwolan i şato da 2017 klozım’ste dmitafito i tharzato da soruhe Balistik du İran lu duyoqo.

Me gabo hreno, u waziro du sutoro du İran rabhaylawotho Amir Hatami mawdacle da tagılyotho du protesto d’Lebnon, wi şultonutho hathto ducdo du Iraq, kımathli dawsat di bceldboboyutho mqabıl du İran. Hatami grışle’ste u zuhoro calu qatlo d’Qasem Sulaymani, cala hçome dkowın calu gabo d’Hizballa d’Lebnon, cali mudaxala nuxroyto b’Suriya, calu qrobo du Yeman, calu qrobo d’Qarabax, cali kampanya dıkmisomo mqabıl du İran b’Afağanistan ucala qyome du şlomo beyn dan athrawotho Caraboye u İsroyel, u mawdacle du medano kule tahrazto d’tedbire mqabıl du İran’ne leşan dlıqowe u haylayde, elo rabhaylawotho Hatami bi maqırhonuthayde lımawdacle qay kmisomi a’fulhonani kulle mqabıl du İran, u matcele ruhe di şultonuthayde kıtla nişo dmafito i tahraztayda bu qlimo du madınho mescoyo, awkith d’ruho i Maşılmonutho da Şica ba n’athrawotho du qlimo, udhowelın mawdyonutho l’ha farsufo dkıtyo Xaminyi du İran.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…