Amerika rfıdla a idicat dyatiwo cama mşale di PKK ba turone d’Qandil

Amerika, rfıdla a idicat dıfrisi bu tboco froso u dmawdıc dhawila ytawto cama rişone du gerilla di PKK ba turone d’Qandil bu garbyo du Iraq.

 İ mawdconuthathe dıfriso b’dafo da Kurdoye dılo mawdıc ışma, rfido hem me rabhaylawotho Amerikoyo u hemste mi wazirutho di baroyutho d’Amerika.

Malolo di wazirutho di baroyutho d’Amerika mawdacle li dafo Amerikoyto d’Vocie Of America, da mathlone di şultonutho d’Woşington lawilın ytawto cama rişone du gerilla di PKK ba turone d’Qandil dkıtne bu garbyo du Iraq. İ dafo Kurdoyto mawdacwola meqım kımo yawme, d’Amerika hawila ytawyotho frişe cama rişone di PKK b’Qandil.

İ mawdconuthathe di dafo Kurdoyto, rfidoste athmıl me ha ma mşale du gayso Amerikoyo dılo mawdıc ışme. Bu tebo dfrıswola i dafo Kurdoyto mawdacwola, d’3 radoyotho d’12 mathlone Amerikoye dsımwo u duyoqathe ma tayosyotho du qrobo, matınwo la turone d’Qandil leşan ytawto. İ socuruthatheste mawdıc dsimo, bu zabno d’Turkiya kmaqşyo a cuqobayda cali PKK bu qlimo d’Kurdistan.

İ wazirutho di baroyutho d’Amerika mırla; İ mawdconuthathe kulonoyith latyo şroro u friso bıthır mıd u waziro Mike Pompeo wu senator Qutnuthoyo Lindsey Graham mawdacwolın bu senato, d’şırke Amerikoyto wa hayle d’QASAD matın l’ittifaq cal mabuco du nafto bu garbyo d’Suriya. Lfuth Lindsey Graham, u i mawdconutho dcalu qyomano matyowa mu rabhaylawotho d’QASAD Mazloum Abdi.