Demirtaş likmraşih ruhe HDP la guboye d’Turkiya
Taşdarto mu gabo Demoqratoyo da Came, sımla socurutho lu hbuşyo d’Turkiya leşan dluqyo u rişono zawgoyo catiqo du gabo Selahattin Demirtaş. Bu zabno di socuruthathe, tlıbla i taşdarto me Demirtaş dımraşıh ruhe la guboye di rişqutnutho d’Turkiya dgımisomi bu yarho d’İyor dıbqamuthayna.
EDIRNE, Turkiye – Lfuth i mawdconutho dhuwla i HDP, mşadarla athmıl taşdarto lu hbuşyo d’Edirne b’Turkiya leşan ytawto camu rişono zawgoyo catiqo du gabo Selahattin Demirtaş. Bi mawdconuthathe i taşdarto mırla; Demitaş mhanele i taşdarto elo mawdaclela, du qetro da dacwat dftihi mqabıl dide, lıkmsamhi dımraşıh ruhe la guboye di rişqutnutho.
Bıthır mi ytawtathe i taşdarto mırla; Demirtaş m’akadle u snodayde la fulhone di kampanya di HDP bu maşıqlano da guboye u gıdmcadır a fulhonayde lfuth a şartat dkito. Elo mawdacle’ste, dgısonıd u mraşho du huyodo da Tacobe udi Hirutho-Emekçi ve Uzgürlük ittifaqı.
İ HDP u mınyono d’gabe semoloye d’Turkiya sımwolın iclan u huyodano leşan a guboyani du athro dgımisomi 14 bu yarho d’İyor-bıthır mıd an 6 gabe saqıbloye d’Turkiya lo maczamwolın i HDP dmıştawtıfo acmaye.
Selahattin Demirtaş, hbışwo mi şultonutho d’Erdoğan bu yarho d’Teşrin u haroyo da 2016 ma thome di asirutho dcami PKK u kito dacwat mqabıl dide, dkibe dfoyış 142 eşne bu hbuşyo ma thomani di marhıbonutho. Demirtaş mraşahwole ruhe la guboye da 2018 u qmırwole 8.4 ba mo da qole.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
