Ann Linde hawila ytawyotho cama marciyotho di cito Suryoyto ortodoksoyto du Swed

Adyoma i wazirto di baroyutho du Swed Ann Linde sımla socurutho la citawotho du camaydan dkıtne b’Södertelje.

 Bıthır mıdyatiwo bi cito d’Mor Yacqub, Linde wa mathlone da citawotho mıstaqbıli mu efetrufo fatıryarxoyo du Swed Mor Diyosqoros Benyamen Ataş camu rişono di marcitho Suleyman Kurt.

Bi itawtao dhawila ba tarte  citawotho du cameydan  d’Mor Yahkub u d’Mor Afrem drışlın acma i sbutho du Sayfo wi aykanoyutho mahişonutho du cameydan dıg hoye bu athro da abohotho.

Bi qamayto Ann Linde sımla socırutho li cito d’Mor Yahkub u yatiwo cama mathlone da citawotho du cameuydan u du camo Armnoyo, u bıthır a mathlone dkıtwene harke azıne li cito d’Mor Afrem d’Södertälje u hawila itawto cama citawotho wu efterufo fatıryarxoyo mod Diyosoqoros Benyamen Ataş wu rişono di marcitho du Suleyman Kurt.

Bi itawto d’Mor Yahkub u bi itawto d’Mor Afrem drışlın cami wazırto di baroyutho i sbutho du Sayfo u tlıblın mi şultonutho dmanhıto u fusqono du parlemento du Swed dı mawdele bu sayfo la haye.

Bi cito d’Mor Afrem mqadım egartho li wazırto dkıtwa b’ışme di efetrufutho fatıryarxoyto du Swed dkıtwo eba talabe du sayfo u di mcadronutho du cameydan bu athro da abohotho.

Bi sbutho du sayfo amathlone du cameydan tlıblın mi şıltonutho dmanhıto u fusqono du parlamento dı mawfdele bu Sayfo, u dmitaqre ba madraşyotho du swed calu sayfo.

Bi sbutho du cameydan dkıtyo bu athro bi egartho di efetrufutho fatıryarxoyto tlıblın di mcadronutho dkobo u Swed dmitahwiyo la mşale du cameydan msawyo u lo calu darbo da şutose emwothoye.