Armenia hkımla tre marhıbone dı Turkiya

Bethdino d’Armenia, hkımle tre marhıbone dınqiliwola Turkiya me Suriya lu qlimo d’Nagorno Qarabax leşan dımharbi cam Azerbaijan mqabıl da hayle Armınoye

Bu fusqonano dmıdle u dayono, hkımle a tre marhıbone cımraye kule lu hbuşyo.

Athmıl u bethdino d’Kapan d’Armenia mıdwole li ido i sbutho d’2 marhıbone sanode d’Turkiya dımharabwolın b’Qarabax. Bu hkomano’ste, mçazın a 2 marhıbone Muhrab al-Shkheri u Yusef al-Haji dkıtwın me Suriya, cımraye kule lu hbuşyo.

A hayle d’Qarabax msıkwolın a 2 marhıbonani yasire u maslımiwo l’Armenia leşan dmıhkomi ba hawbe dsımlın uba qedomo marhıbono dhawilın la comure b’Qarabax. A marhıbonani dınqiliwo me Turkiya, hzewolın droşe folhoye b’Suriya u bıthır nqiliwo l’Azerbaijan leşan dımharbi b’2 alfo dolare.

A marhıbone dmıctaraflın ba hawbe dsımlın b’Qarabax maglelın’ste, cal kull Armınoyo dqudriwo dqutli bu qrobano-gıdmitahwewolın 100 dolare. Hathe naqla hreto kıma’dilo, da marhıbonani d’Suriya kımharbi cam Turkiya leşan a zuze.