12/07/2020

U rişono du baro d’Stanbul mawdacle ilo thınihutheyde calu fusqono dmid

U rişono du baro da sniğre  d’Stanbul Mehmet Durakoğlu mawdacle dhıne latne radye calu fusqono dmid bu parlamento d’Turkiya, mawxa gdımdawmi i hfituthathe qum du tarco du bethdino du nomuso esonoyo du athro.

 Bu mamleyde mırle: u fusqono dmıdle u gabo di AKP u di MHP  dkıbci saymi şutose mşahılfe da sniğre kıtle u darbo du bethdino kibe madcarle awkith dı rofadle.

 Ba yawmotho d’şaficina u parlamento d’Turkiya fsıqwole dımşahlıf i  methtaksonutho da sniğre dkito bu athro. Awkith me darbe dhowe ha şutoso da sniğre, dmisım şutose mşahılfe. U fusqonano hın ma barowiye da sniğre kımfaşqile dkıtyo mudaxala u dıkmibıc dmisomi a barowiye dkıtne bu şutoso da sniğre, şutose mşahılfe leşan kul gabo dhowe şutoso d’ruhe.

Mqabıl di sbuthathe u rişono du baro d’Stanbul dkıtyo ha ma barowiya rabe du athro bi maqırhonutho dhule mırle; Ahna kınutrina mu bethdino du nomuso esonoyo du athro, dımşahlıf u fusqonano dmıdle u parlamento d’Turkiya.

Mehmet Durakoğlu mawdacle dhıne gdımdawmi ba hfitwothathe u kınutri du bethdino dımşahlıf u fusqonano metul: dkımharhız i şaryutho di kinutho, u bebzabno ksoyım asniğre folitiqoye. Durakoğlu mırle;Ahna mu yawmo qamoyo dı şamicina, mahıtlan klayto u mırlan u şutoso da sniğre, klozım dfoyış ha walaw kul ha menan kıtle hzayto folitiqoyto mşahlafto.

Durakoğlu bu mamlayde mırleste; Ahna hawilan mamlo cama tre gabe d’AKP u d’MHP u mırlan ahna hadirena dı dorşina kul mede acmeyxun elo hınne lo maqbelın a droşani u mawxaste, lo fayışlan darbo hreno jğer mıd dsaymina hfitwotho mqabıl du fusqonano.

Check Also

YPG maglela cali hiyoyutho da Sohde dmahrawla Turkiya wa marhıbonayda a bethqburathe b’Cafrin

Bi maqırhonutho dıfrıslın a Haylawotho du sutoro du Camo-YPG, maglelın cali hiyoyutho da S…