ARMENIA: Nikol Paşinyan mzaharle cal hçomo hatho me Azerbaijan en dlo mımte lu qyomo du şalyuthzayno
U rişwazire d’Armenia Nikol Paşinyan, m’akadle dıklozım bı surhobo dmisım qyomo du şlomo beyn du athrayde u d’Azerbaijan. Paşinyan bu mamlo dsımle, mzaharle di şultonutho d’Baku dkiba dsaymo hçome hathe calu athro d’Armenya, en dlo mımte lu qyomo du şlomo.
YEREVAN – U rişwazire Armınoyo Nikol Paşinyan, athmıl bu mamlo dsımle bu parlamento d’Yerevan, maglele du athrayde mvayacle hol 3 alfo u 800 farsufe bu zabno du qrobo dhawiwo bu qlimo d’Qarabax ba Tışerın da 2020.
Paşinyan mırle; U menyono da dıbhe du qrobo dımdawamwole 44 yawme, 3 alfo u 825 farsufe’yo. Wa şlade da qtiloye kulle mqafın u m’akdo i hiyoyuthathe idıcto.
Paşinyan bu mamlayde makadle dıklozım bı surhobo dmımte l’qyomo du şlomo cam Azerbaijan, u mzaharle di şultonutho d’Baku dkiba dmawbılo a bazare dcalu şlomo l’darbo sxiro, ubu şıklano gıdhowela celtho dsaymo hçomo hatho cal Armenia ucalu qlimo d’Qarabax.
Camgabıdathe, u rişwazire mawdacle dıklozım Yerevan u Baku dımbayni 30 bu yarhano a hadome di sictho dgımbayno a thume beyn da 2 athrawotho, xıd funoyo la fhome dhawın cam u rişqutno İlham Aliyev bi ytawto dhawyowa 6 bu yarhano b’Bruksel camu rişono du mawtbo d’Urifi Şarl Mişel.
Bu huthomo du mamlayde, Paşinyan sımle qroyto dlo mişawhır u maşıqlo da esore ruşmoye u kyonoye beyn d’Armenia u Turkiya, u mırle; U kenşo Emwothoyo ksonıd u şroyo du qetrano.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
