Atagliyotho b’Lebnon mşarelın mqabıl du nhoto da zuze

Bı Lebnon naqla hreto, amtagılyone nahiti la şuqone leşan dmahwın u hfuxyathe mqabıl du nhoto da zuze d’Lebnon dkul yawmo kımwayci timutho.

 Ba tagılyothani dhawın b’dukotho mşahılfe amtagılyone mnaselın dcıbri lu bethmacırfo athroyo awkith li banka athroyto. 

 A tagılyotho d’Lebnon, hani zabno yarixo kımdawmi ba zabuqone da mdinotho mşahılfotho du athro.

U talab da mtagılyone mu zabno qamoyo, dmitakle u fasad wu muklo da zuze du athrowe, ucdo a mtagılyone kımahwın u hfuxyathe mqabıl du kafno dımşarele bu athro, metul du timo da zuze kul dkothe kınohıt, wu camo laybe d’zowın muklo yaste i sniqutho dkıtle.

Ba tagılyotho dhawın athmıl bı mdinotho mşahılfotho du athro, amtagılyone mazcaqlın u tlıblın di şultonutho dımcadlo i aykanoyutho udloste, klozım dmıstacfo mi wolithayda.

Bi erişkoyto du athro, amtagılyone mhalaxlın li duktho dkıtyo u macırfo, li banka qentrunoyto leşan dcubri ele. Bi sbuthathe a pwelıs qadiri dmaklın amtagılyone dılo cubri li banka du athro.