Athto mu cameydan qtilo mu gabreyda

Athto mu camaydan dkıtwe cımra 45 eşne, qtilo mu barzawgayda bu bayto dıkhoyanwo bi mdito d’Wienna d’Austuria.

 İ iqarthathe dkıtne mi cito Malkoyto, galwoye me Suriyawa u fayşowa b’bayto di  cito Suryoyto Orthodoksoyto d’Mor Afrem b’Wienna.

Lfuth u tebo dıfris b’dafe frişe d’Austuria u ma mathlonaydan d’Suroyotv b’Austuria, hawi gedşo mahişono bi mdito d’Wienna d’Austuria. Mawdıc bıthır mu mahwo u şqolo u mi qale dhawyo beyn d’zawgo-athto u gawro du camaydan, qtile u gawro Ayman Z dkıtyo 52 eşne, i athtayde Diyala dkıtwa 45 eşne.

İ eqarthathe dkıtne mi cito Malkoyto u galwoye me Suriya, kıtla abro d’18 eşne u hawila 5 eşne b’Austuria. İ iqarthatheste cayışowa b’bayto da galwoye dkıtyo cayıd di cito d’Mor Afrem da Suryoye Ortodoksoye. Bu zabno du gawro qtile i athtoste, u abrathe latwe bu bayto.

Bıthır mu gedşano, Ayman nafıq larwal u laqi 2 pwelıs dmalızlın lu baytayde u mqafelın Diyala mıthto dılo ruho. Ba buqore dsimi acme bi nuqazto da pwelıs, mawdele dhuwe qtile i athto bıthır mi qale dhawyo beynothaye.