14/05/2021

Austuria mahıtla Hizballah bi lohitho kımto

Austuria mbayanla u gabo Lebnonoyo d’Hizballa ba tre gefayde u folitiqoyo wu folhoyo bi lohitho da tukose marıhbone.

Bebzabno, Austuria sımla sturyo Emwotho Mhaydotho, cal dlo qadiro hulucdo dımhalqo dawse bi sbutho du teşliho du zayno d’Hizballa.

I şultonutho d’Austuria bu fusqono dmıdla, mahıtla u gefo folhoyo u folitiqoyo du gabo d’Hizballa bi lohithayda da tukose marhıbone. Bu şıkılano şafico i siyase du Huyodo d’Urifi, dbelhude mahıtola u gefo folhoyo du tukosano bi lohitho di marhıbonutho. U waziro di baroyutho d’Austuria Alexander Schallenberg mawdacle di dawsathe, kımgaşmo i aykanoyutho şroro d’Hizballa dlıkforış beyn du gefayde u folhoyo wu folitiqoyo.

U waziro bi maqırhonutho dhule athmıl, mawdacle u haşayde cal du Mawtbo di Mşaynutho d’Emwotho Mhaydotho, lo qadır hulucdo dımhalıq ulo dawse bi sbutho du teşliho du zayno d’Hizballa. Meqım mathe, u Huyodo d’Urifi cıl ma sturye d’athiwole, mnıcwole belhude a fulhone du gefo folhoyo d’Hizballa, elo u gefayde u folitiqoyo qayıthwole fsoso dsoyım fulhone.

Me beyn dan athrawotho dımhalaqlın cayni dawse meqım me Austuria, kito Hollanda, Almanya, Estonia, Chekiya u Slovenia. Camgabıdathe, u parlamento d’Australia şafıcwo li harake, u tlıbwole mi şultonutho dımbayno Hizballa ba şutosayde kulle, bi lohitho da tukose marıhbone.

Check Also

U şutoso d’Olaf Taw frısle buyono lu ray gawonoyo du camaydan

U şutoso d’Olaf Taw bu buyono dfrısle adyawma lu ray gawonoyo du camaydan, mawdacle dhın m…