14/05/2021

Ucnufyo Kımdawım beyn d’İsroyel u d’Hamas

U cnufyo kımdawım ba zabuqone d’İsroyel u kmisım hçome hem cala knuşyotho da Yudoye u hemste cala masığde da Maşılmone. Calu cnufyano’ste, msik hol 400 farsufe mu polis d’İsroyel.

Bebzabno mawdıc, du gayso İsarloyo markawle hol 9 alfo folhe cala thumathe dcamu Xtuto d’Ğazza. Cali aykanoyuthathe dbeyn da Yudoye uda Fleştoye, naqla hreto rişone frişe dbritho, mahwelın ilo thnihuthathe u tlıbbe dmitakle u cnufyano.

Kull yawmo dıkşofıc, kıqoşe u cnufyo beyn da İsarloye udu tukoso Fleştoyo d’Hamas u cali aykanoyuthathe’ste, naqla hreto kmidıq u zago du qento dnofıq qrobo hreno beynothaye. Athmıl casriye’ste şafıc ba taxtuşe ubu mhoyo da soruhe bıhdode ubi netiçe di qalathe dımbarbızo lğer mdinotho’ste, msıkle u polis İsarloyo hol 400 farsufe.

A hçome dcala knuşyotho da Yudoye qaşın ubebzabno kmıhçım’ste cala masığde da Yudoye wu mınyono da bnaynoşo dıkmiçarhi u dıkmınqoli la bethkrihe kızoyıd. Bi mdito d’Lod d’İsroyel sim qroyto l’aykanoyutho şnızto wu rişwazire Benyamen Netanyahu’ste mırle; Lıkmitahwe qonunoyutho l’ayya Caraboyo, dıkhoçım bqaşyutho cala Yudoye-hano qatciyan lıkmitaqbıl.

Cali aykanoyuthathe dıkmahwe dıknufqo fayış mu kontroll, u gayso d’İsroyel markawle athmıl b’lalyo hol 9 alfo folhe cala thumathe dcamu Xtuto d’Ğazza. Hamas mhele 250 soruhe ba dukotho d’İsroyel u mawdıc’ste me Lebnon mafır mınyono d’soruhe ban arcotho d’İsroyel. Elo u tukoso d’Hizballah rfıdle dhuwe mhele a soruhani.

U Mawtbo di Mşaynutho d’Emwotho Mhaydotho gıdloyım naqla hreto yawme d’Huşabo dothe, calu krizano dhawi wu Amerika’ste m’akadla dgımıştawtıfo, leşan dmitakle u cnufyano dıkmahwe heş gıdmdawım u dhawi holucdo celtho lu qatlo dhol 115 farsufe; beynothaye 27 tloye u 7 İsarloye. Mawdıc’ste beyn da qtiloyani kito beyn 80-90 folhe d’Hamas. U notarozo gawonoyo d’Emwotho Mhaydotho, u rişwazire d’Britania, u rişqutno d’Fransa wu ucdo’ste u rişono d’Rusya  sımlın qroyto dmitakle u cnufyano.

Check Also

U şutoso d’Olaf Taw frısle buyono lu ray gawonoyo du camaydan

U şutoso d’Olaf Taw bu buyono dfrısle adyawma lu ray gawonoyo du camaydan, mawdacle dhın m…