Ayasofya simo masığdo

U tukoso du yulfono di idactho udi mardutho d’Emwotho Mhaydotho-UNESCO, bi mawdconutho dhuwle mırle; Meqım me dmisım şuhlofo bi ithutho d’Ayasofya, klozım howelan tebe.

 U tukoso tibeloyo klozım dmafit hawxa sbutho me qul di cayno u bıthır howe şuhlofo.

 İ sbutho da bethcatiqotho d’Ayasofya hawyo sbutho dıkmıdroşo mu tboco froso u ba yawmothani gıdnofıq u fusqono dhule u bethdino celoyo d’Turkiya dhawi calu talab du rişqutno du athro Recep Tayip Erdoğan laşan dmişahılfo l’masığdo di maşılmonutho.

Bi sbuthathe u şutoso d’Emwotho mhaydotho UNESCO hule maqırhonutho u mırle a bınyone wa dukotho dkıtne bi lista di yurtutho tibeloyto meqım mıd misım şuhlofo bi ithuthate klozım mitawhe xabro laşan dmıdroşo cama athrawotho dkıtne hadome u bıthır kibe misım şuhlofo. Laşan i sictho di Yurtutho tibeloyto dobe ihzayteyda.

UNESCO bi sbutho d’Ayasofya lathilan tebe bi ruşmoyutho dıkmibıc mişahlıf i ithutheyde dkıtyo bethcatiqotho, bele Turkiya kımmo ulsoyoyo dmişahılfo l’masığdo di maşılmonutho, bram mınyono d’Athrawotho dkıtne b’emwotho mhaydotho kıbci dı fayşo xıd kıtyo bethcatiqotho.

Lfuth u tebo dıfris adyoma ba şoce dı bıthır me falge d’Yawmo u bethdino d’Turkiya mawdacla u fusqono dmıdle bhaq di cito d’Ayasofya. Lfuth u fusqonano dmawdıc u bethdino maklele u fusqono dmıdwo bi şato da 1934 di cito d’Ayasofya mşahılfowa l’bethcatiqotho.

Bıthır mu fusqonano dhule u bethdino d’Turkiya dı maklele u fusqono dkito me meqım u rişqutno du athro Recep Tayip Erdoğan mdele di cito d’Ayasofya masılmo li wazirutho di tawditho bu şıkılano Ayasofya kuyo masığdo di maşılmonutho, ucdo kmıntır ema a maşılmone kibın msalın eba inaqa qamayto.