Ba mowat mtagliyone msiki ma Pwelıs b’Mosko

U polis d’Rusya, msıkle ba mowat d’mtagliyone saqıbloye du rişono d’Rusya Vilademir Putin.

 Ba tagliyothani dsimi bı dukotho frişe d’Rusya, krih u şuhlofo du nomuso esonoyo du athro dkobe aftho l’Putin, dfoyış bi wolithayde 16 eşne hrene.

Athmıl a zabuqone dımdinotho frişe d’Rusya; beynothaye i erişkoyto Mosko, mlanwo mtagliyone dabici dmahwın ilo thnihuthathe lu rişono du athro Vilademir Putin. U hfuxyano da mtagliyoneste mqabıl du şuhlofo du nomuso esonoyo du athrowe dkobe aftho l’Putin, dfoyış bi wolithayde 16 eşne hrene.

A mtagliyone dlayimi ba mdinotho d’Rusya, mkasewolın fothaye ubi mudaxala dsımle u polis Rusoyo, mıstacmele ğaz da damce u msıkle ba mowat dıbnaynoşo İ mawdconuthathe dhiwo mu tukoso da zedqe noşoye d’Rusya, lo polis uloste ğer mdabronwotho du athro makdolın.

Ultomo du camo lıhdo duktho b’Mosko mnicoyo mi celtho du virus d’Corona. Elo camatheste, kmıtlıb aftho ruşmoyto ma mdabronwotho leşan u camo dıqodır dsoyım taglitho b’Rusya. Sımwo şuhlofe bu nomuso esonoyo du athro bu şuroyo du yarhano.

Wu ha ma şuhlofe rişoye dsımwo, u mkono dhiw l’Vilademir Putin dımdawım bi wolithayde xıd rişono d’Rusya holi şato da 2036’we. U qonuno dkıtwo holucdo, mhadadwo u zabno di rişonutho l’2 dawre,  awkith bu normal klozamwo Putin dtore mi wolithayde bi şato da 2024.