22/06/2020

Ba taxtuşe beyn du Sin u du Hınd qtil 40 folhe du Sin

Hani zabno kowe taxtuşe cala thume bayn du Sin u lu Hınd bi fnitho d’Galwan dkıtyo b’Kaşmir du Hınd.

Ba taxtuşe dhawın lfuth a mawdconwotho dkito qtil 40 folhe m’du Sin u 20 m’du Hınd u ba casrowat kito mjarhe.

A taxtuşani athın lu hwoyo mi celtho da thome dkıtlın qatre mqabıl dıhdode da folhe kcıbri cala thume dıhdode.

Xıd kıtyo idico atre athrawothani athrawotho dkıtlın zayne kimyawi bdarğo yaquro mawxa kul şğuşye dhowe baynothaye kibe dhowe qento li noşutho.

Atre athrawotho kobın mawdconwotho mşahılfe cala taxtuşe dkito meqım şabtho u Sin mawdacwole dıqtil 20 folhe m’du Hınd u mjarıh ba casrowat. Athmıl u athro du Hınd mawdacle dıqtile 40 folhe m’du Sin cala thume dkıtlın cam hıdode bi fnitho d’Kaşmir bi duktho d’Galwan.

Bi sbuthathe a mawdconwotho dkito frişe me hıdodene, xıda mawdconwotho hrene dkothın ma dukothe da qrobe.

Me gabo hreno bi maqırhonutho dhule u waziro di baroyutho d’Amerika Mike Pompeo thımle u athro du Sin dıgmaqşe i sbutho.