B’Afriqya i tayımnoyto mşare b’kampanya li hirutho d’Abdullah Öcalan

Bı Afriqya i Tayımnoyto mşare b’kampanya leşan di hirutho d’Abdullah Öcalan.

 A Tukose me Afriqya i Tayımnoyto bi maqırhonutho dıfrıslın mırlın “athi u zabnayda. Leşan dhowe şlomo kino b’Turkiya Abdullah Öcalan klozım dhowe hiro”.

U Grub du fulhono d’Kurdoyo d’Afriqya i Tayımnoyto wu konfederasyon da tacbaryotho d’Afriqya i Tayımnoyto bi maqırhonutho mıştawtafto dıfrıslın mawdace dımşarelın li kampanyathe hirutho l’Abdullah Öcalan.

Bi Kampanyathe kito nişo, emwotho mhaydotho leşan dsaymo şlomo b’Turkiya dşıfco li harake leşan du rişono di PKK Abdullah Öcalan dmıtre hiro.

Bi qroyto kmitawdıc mşadır egartho ftıhto lu notarozo gawonoyo d’Emwotho Mhaydotho Antonio Guterres. Bi egarthathe kmıtlıb me Guterres dşıfci li harake bgawıd zabno karyo bu taro du taşroro dsim calu hbuşyo d’İmralı.

Bcayni zabno kmıgrış u zuhoro u dawro dmıştacela Emwotho Mhaydotho bu şroyo du şwolo b’Afriqya i Tayımnoyto. U tlıbbe cayni mede dsim l’Nelson Madnela dmisım leşan Abdullah Öcalan.

Bcayni zabno kmisım qroyto lıkul noşo dmıştawtıfi li kampanyathe dkıtyo laşan di hirutho d’Abdullah Öcalan.