15/03/2021

Bi qritho d’Arkah b’Turcabdin mcayadlın u yawmo di Hano qritho

A comure di qritho d’Arkah b’Turcabdin mcayadlın u yawmo di Hano qritho bu syomo da mulkone u ba raqde u bi zmarto di Hano Hano qritho bartho d’Qaşo mitho.

Lu zuyohano di hano qritho a comure mzamnwolın u hudro da Neşe d’Turcabdin Surqadim dhudri acmaye.

Athmıl dkıtwe yawme dhuşabo d’Qutne u be bzabno dkıtyo u yawmo di hano qritho dkıtyo maşılmonuytho maktabzabnoyto dmeqım mi mşihoyutho du cameydan mcaydo bi qritho d’Arkah b’Turcabdin.

Safrayto a claymotho nafiqi cami Kalusto dsımwolın camu zmoro di Hano hano qritho barthe d’Qaşo mitho, u sımwolın kruxyo ba bote di qritho u bıthır mıd kamilwo u kruxyo di qritho athınwo li dırto du Salon da mıştawotho dkıtyo bi qritho u tamo bıthır mi  slutho du qurobo alohoyo di şabtho d’Qotne dsımwo bi rişonutho du qaşişo Afrem Maqsi lahdo,  qaşişo Eliyo msalewole cala muklone dımhadriwo dilonoyith lu yawmano di Hano Qritho u mbaraxle calu bırğıl u bece u qaliyo dkıtyo u muklo dilonoyo du yawmano.

Cam gabe da neşe dsaymiwo muklo a claymotho mifsohiwo bu yawmano y mşarewolın ba raqde u bi fsihutho laşan dımhagın u yawmo di Hano qritho.

Lu zuyohano a comure di qritho d’Arkah mzamanwolın u hudro da neşe d’Turcabdin Surqadim dhudri acmaye. Cali zminuthathe hadiriwo hın ma hadome di sicto du hudro d’Surqadim bu yawmano u maktabzabnoyo dıkmidawım dmicayıd bayn du cameydan u Suryoyo-Othuroyo.

Check Also

A Turkoye kcubri l’Urifi b’Passaporte mzawre

Bu zabno haroyano, u tboco froso demoqratoyo d‘Turkiya frısle tebe, dcala hadome du gabo d…