Claymtho mu cameydan mvayco b’Boğdod

Tlitho mu camaydan d’Boğdod, bıthır mu cufoyo di qaştayda mvayco mi holo, u mawdconutho layto acla mzabno dı tarte şabe uhul ucdo.

Mabuce mu camaydan bı Boğdod, mahwelın i zuctho dkıtlın mu vyoco dıhdo tlitho mu camaydan dcımra 16 ışne, udkıtyo mi fnitho d’Alkarrada. İ claymthathe mzabno dı tarte şabe mvayco mi holo bıthır mıdkamılwo u zawho du cufoyo di qaştayda bı Boğdod.

İ tlithathe kfayşowa si qaşto bıthır mıd i sagiyutho di iqarthayda nafliwo sohde bu qtolcamo d’Sayıdıt Alnajat da Suryoye Qatholiqoye i şato da 2010.

Camgabıdathe, sniğro mu camaydan dlımaglele cal ışme, mawdacle di tlithathe sımwo hçomo acla m’farsufo dıhkımwo acle ışto yarhe hbuşyo mu bethdino d’Alkarrad d’Boğdod.

Cali sbutho du vyoco di claymthathe, kmisım qroyto lkul farsufo dqathle mawdconutho cali aykanoyuthayda, d’obe xabro li iqarthayda bı Boğdod awste li cito Suryoyto Qatholiqoyto d’Sayıdıt Alnajat.