Bi rişutho d’ESU sim hfitutho dımathkıri a sohde du Sayfo

Athmıl a falqe d’Bethnahrin cami golutho sımlın u duxrono du sayfo bıhdo tahrazto dımtayabwole u huyodo Suroyo d’Urifi ESU calu darbo di Tahrazto haytho b’Suroyo tv u calu darbo du nawlo.

İ tahraztathe dmahıt ışma şoctho d’şetqo maqıthwo şamce cam hıdode mi qalco du mrodo d’Ciwardo  Turcabdin, Ankawa u Qamişli u qentrun d’ESU cam hıdode.

Athmıl b’tahrazto haytho bu Froshızwo Suroyo u calu darbo du nawlo sim u duxrono du yawmo şatonoyo du sayfo i şoctho ba tracsar dı blalyo.

İ hfituthathe dmahıtwo ışma şoctho şlitho maqıthwo şamce b’3 dukotho du athro u bi golutho cam hıdode.

U nişo dkıtwola i hfituthathe dmitaşımco i sbutho du sayfo lıbritho u dilonoyith dmitathkıri a sohde du sayfo bu yawmano dkıtyo u yawmo şatonoyo du duxrono du Sayfo.

Bu şroyo di hfitutho u rişono zawgoyo d’ESU Fehmi Vergili sımle mamlo dmathkarle a sohde du Sayfo u bıthır sımle qrayto lu cameydan dmathkır a sohde u bıthır fris hayo u teqido da şamce cam hıdode mi qalco du mrodo du Sayfo Ciwardo mu şalwo d’Ninwe me Cankawa, u mi Gozarto d’Bethnahrin dhawyo i qalco du mrodo du cameydan ba yawmothani mi mditho d’Qamişli.

İ hfituthathe friso hayo mıtho d’Şoctho cam Musiqi şlitho laşan kulha dmıftakır ba sohde  du Sayfo dbiz u admathe cali arco mqadaşto du cameydan Bethnahrin.