Bi sbutho du Dayroyo Aho Bilecen şutose u mşale du cameydan kmahwın a hfuxyathe mqabıl d’Turkiya

İ sbutho du msoko du rişdayo d’Mor Yahkub d’Qarno du Turo d’İzlo Aho Bilecen kımdawmo dmıdroşo ba darğe mşahılfe, wa şutose wa mşale du cameydan kımahwın u hfuxyathe mqabıl d’Turkiya.

 Bi ytawto dhawyo camu rişizgado d’Turkiya dkıtyo b’Amerika Murat Mercan bi cito d’Mor Gabriel di cito Suryoyto Orthoduksoyto d’Amerika, a mşale du cameydan mahwelın hfuxyo u mırlın; U medano qatciyan lıkmitaqbıl.

İ itawtathe dımtaybowa calu darbo du mşalo Gabriyel Akyon bi cito d’Mor Gabriyel b’Newjersi d’Amerika drışlın i aykanoyutho du dayro Aho Belican . wa mşale dkıtwene hadire kulha bu dawreyde mahwel hfuxyo u mırle i sbuthathe du hkomo du dayroyo latyo sbutho dmitaqıblo metul u dayroyo lı sımle mede larwal mi mşihoyutho dkımole.

Li itawtathe u metrofolito di marcitho du Swed Mor Diyosqoros Benyamen Ataş mıştawtafle calu darbo du Telefon b’qolo ftiho la hadire kule u mırle i sbuthate laybe u cameydan maqbela dmihkım u dayroyo mawxa ste u cameydan gıdmaşmıc u qoleyde b’kul dukthomawxa ahna u talabeydan dmitaqimi a thomani wu hıkmano mcalu dayroyo Belican u mitre raha bi dayreyde.

Me gabo hreno hawi esore cami mcalyutho du hasyo d’Turcabdin Mor Timathewos Şmuel  Aktaş dımşayıl cala mulkone di dayro en safyo i sbutho i mcalyutheyde mırle lo lo safyo bnaqa hdo.

Me gabo hreno camgabe dkıtyo hfuxye mqabıl d’Turkiya kmotelan tebe me mabuce dkıtne mşarrre dıkmidrış teştcınye siyasi bhaq du dayroyo awkith kbibic dmitawfıq u dayroyo mi dayrathe d’Mor Yahkub d’Qarno d’Turo d’İzlo.

Bgawe da teştcınyani kito mşale u hın farsufe mu cameydan mawxa hani latne tebe dıg torın maktabzabno bahuro lu dactid du cameydan.