Bill Geyts krofıd athome dkit acle bi sbutho calu vaxin di Corona

Bill Geyts dkıtyo ha ma mşatsone di şırke tibeloyto d’Maycrosoft, hule funoyo lu thomayde dkıtle sawco bu nfoqo du virus d’Corona la haye.

Geyts bi maqırhonutho dhule, mawdacle dıklozım 70 hul 80% ma bnaymothoye dıbritho dmaydi u vaxin, bnişo dmitakle u bırbozo du kewo d’Covid-19.

Bill Geyts dkıtyo ha ma mşatsone di şırke tibeloyto d’Maycrosoft, bi maqıblonutho dsımla acme i sferyawmo Almanoyto d’Soddij Zaytonğ, mawdacle dmıştawtafle b’milayr u 700 malyune dolare la fulhone du qefoyo d’vaxin, bnişo dmınfıq mqabıl du kewo du virus d’Corona.

Geyts mırle “u kroxo da noşe cal şroye nacime kımmathıl qetro rabo. Hınne kımşayli ida dkito farsufo bıthır du nfoqo du kewano. Mede lo towo yo da mawdcınwotho dlatne qrihe kmınci a’noşe mu myodo du vaxin. U medano gıdtore u kewo dımdawım l’zabno yarıxtır”.

Geyts mawdacle d’baroyo mıdle u vaxin, cal dıknofıl bu grub da bnaynoşo dıkşowe cımraye dhowelın qadmoyutho bu myodayde, uba melani mdawamle “bu qayto dıbqamuthayna, u vaxin gıdmitahwe li sagiyutho da bnaynoşe dıkhoyın ba n’athrawotho mşawşıte dıbritho. Camıhbol, u menyono da mithe b’ğalabe athrawotho cletır ma zabne d’meqım yo. İ aykanoyuthathe kiba dımdawmo lıkmo yarhe hrene hul dımşare u muzoğo şahino. Ubi netije du tehwiyo du vaxin, gıdnoqıs u menyono da mithe”.