Brett McGurk sımle sturyo a idicat d’Trump

U mathlono catiqo d’Amerika bu koalisyon Emwothoyo mqabıl Dacış Brett McGurk, mawdacle dımgalwele ban alfayo d’mdinoye mu garbiyo u mu madınho d’Suriya, cal d’Amerika lo snıdla a Haylawotho d’Suriya Demoqartoyto mqabıl da marhıbone d’Turkiya.

 İ maqırhonutho d’McGurk athyo xıd funoyo li maqırhonutho dıfrısle u rişono d’Amerika Donald Trump bi dafayde.

U mathlono catiqo d’Amerika bu koalisyon Emwothoyo mqabıl Dacış Brett McGurk, athmıl bi maqırhonutho dıfrısle bi dafayde du Twitter mawdacle, du rişono  Donald Trump mırle; Lawi ulo mede awkith kull mede towo şafıc bu zabno dmaslamlan 2 ma 3 sahme dan arcotho dkıtwın meqım bidothe d’Dacış b’Suriya l’Erdoğan ul’Putin. Utrelan a şorikaydan dımdabri ruhaye, u dımcadriste 200 alfo farsufe dmahzamlın ma grube tuxmonoye dsımlın gunhe du qrobo.

Calathe, McGurk bi maqırhonutho dıfrısle bi dafayde du twitter krıhle u mamlano d’Trump cali ithutho d’Amerika b’Suriya, u makadle d’alfayo mdinoye mahzamlın mi barbroyutho da tuxmonoye dsımlın gunhe du qrobo, cal d’Amerika lo snıdla a Haylawotho d’Suriya Demoqratoyto bu ağunathe mqabıl da marhıbone d’Turkiya ba fenyotho du garbiyo u du madınho d’Suriya.