Bu amro du Amiro di Scudiye msik 2 hadome di iqartho

Lfuth a tebe dıkothe bıhaq di Scudiye kmahwe naqqa hreto hawi şğuşyo bi mdabronutho du athro dkıtyo bi rişonutho du amiro Muhamad bin Salman.

 Lfuth hın ma tebe kıtwo tahrazto dmisim darbe, elo lfuth atebe dkothe msik 2 ma mşale di mdabronutho awste di iqartho du malko Selman Abdulaziz.

 U athro di Scudiye kmidabır mi mamlaxto awkith mu Malko u hathe kımdawmo bıgawe di iqarthayde. Elo bu zabno haroyo, bıthır mıd u Amiro mıdle i wolitho di mdabronutho mu babo, mşarele dsoyım şuhlofe u ışmoste dhowe-fotıh qum di hirutho.

Mathlo dhiw hirutho ışmo la neşe xıd qıloco d’radoyto, ferojo calu spor u hatta dmişatıs gudo da neşe di esfirreğlo. Elo ba tebe dıfrisi hani 2 yawme kmitawmır, du Amiro Muhammad Bin Selman huwle fusqono du msoko du ahuno du malko Ahmed bin Abdulaziz wu ahuno du amiro Muhammad Bin Nayef.

Be bzabno kmitawmır di celtho du msokathe, cal dkıtwo tahrazto dmisım inqilab calu Amiro u calu Malko Selman Bin Abdulaziz’we.