Bu athro d’Nigeria htif 300 yolufe

Htif naqla hreto ba mowat yolufe u yolufyotho ba 9 yawme haroyani bu athro d’Nigeria.

 U polis mawdacle, dathmılste htıfwo 317 claymotho mi madraştathe b’Zamfara me ğrobe mzayne.

Bzabno d’9 yawme, htif 2 naqlat ba mowat dı clayme u claymotho bu athro d’Nigeria. Wu athmıl’ste htif naqla hreto 317 claymotho mi madraştathe bu garbay madınho du athro. Bu yarho d’Konun u qamoyo’ste htıfwo 300 claymotho mi madraştathe.

U polis d’Zamfaras bi methcadronutho da hayle di mşaynutho mabdelın cuqobe leşan u texliso da nacimani dıkmıtofi ma ğrobe tuhmonoye qaşye d’Nigeria. Cala htofani’ste, heş i şultonutho lo huwla fuşoqo, elo sımla qroyto l’aykanoyutho şnızto. Beyn di şato 2010 uhola 2020, huwla I şultonutho hol 18 milyone dolare leşan u terfiyo da yolufe dhtifi.

Ba eşne haroyani zayidi a htofe da yolufe ma ğrobe kriminel, leşan dtulbi fidye ma yaqrothathe. U ğrob marhıbono d’Buko Haram ğalabe naqlat htıfle yolufe da madraşyotho. A clayme mimodiwo li folhutho wu jubriwo a claymotho dsaymi furqoce qtolnafşoye.

U htofo da 270 claymotho d’Chibok ba 2014 ma marhıbone d’Buko Haram’ste, grışwole u zuhoro du kenşo Emwothoyo u walaw marfewo sahmo rabo ma claymothani, elo heş kito 100 menaye mvayce. U ğrobano, hawi’ste celtho lu qatlo dhol 36 alfo bnaynoşo b’Nigeria-dıknuflo bi qıtca d’Afriqya.