CIRAQ: Qoyumo Farid Yacqub kotoleb şuhlofe bu qonuno da guboye du qlimo d’Kurdistan
A’hamşo mathlone du camaydan bu parlamento d’Arbil, b’awyutho ne camıhdode bi sbutho dmisım şuhlofe bu qonuno da guboye du qlimo d’Kurdistan du Ciraq. Baynothaye qoyumo Farid Yacqub, mawdacle dıklozım a’qole du camaydan balhude dmitahwın la mraşhayde, uklozım ste u qoyumo dımmathıl a’talabe dkıtle u camayde b’gawıd du parlamento du qlimo.
U mathlono du camaydan bu parlamento du qlimo d’Kurdistan qoyumo Farid Yacqub, bi maqırhonutho dhule li dafo d’PUK media, mawdacle da hamşo qoyume du camaydan bu parlamento d’Arbil b’ha fusqonone dmisım şuhlofe bu qonuno da guboye du qlimo ub’awyutho cama gabe u koalisyone folitiqoye kulle.
Cali sbutho da guboye gawonoye dıbqamuthayna dgıdmisomi bu qlimo d’Kurdistan du Ciraq, qoyumo Yacqub mawdacle da guboye sbutho dıkmıdroşoyo ma gabe folitiqoye kulle du parlamento wa sagiyutho da gabani ste b’awyuthone camıhdode bi sbutho dmisomi a’guboye gawonoye du qlimo bu zabnaththe dkıtyo mbayno bi harayto di şatathe.
Yacqub mırle ste “meqım mıdmisomi a’guboye udmitafiti a’fulhone du komisyon celoyo şaryo da guboye la haye, klozım dmişahlıf u qonuno da guboye du qlimo b’awyutho bayn da gabe kulle, bnişo dımşabıl u qonuno hatho a’yuthrone da came du qlimo d’Kurdistan kulle”.
Camgabıdathe, qoyumo Yacqub mawdacle dıklozım ste bu qonuno hatho da guboye dmitahwe ulsoyutho la kursiye du kontenjan b’şıkıl dıkdome la guboye du parlamento du qlimo dsimiwo bi şato da na’1992, bnişo dmitahwe aftho la n’abne da came qalile d’obın qolaye la mraşhaththe.
Yacqub mawdacle ste dıklozım a’came du qlimo dhowelın qentrune u sanduqe dilonoye d’ruhaye, laşan du mraşho dıkqomır ba guboye dımmathıl a’talabe du camayde bu parlamento.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
