I Mdabronutho yothoyto d’Şigor krihla u bnoyo şuro beyn Şigor wi Mdabronutho Yothoyto du Garybo udu Madınho d’Suriya

U Mawtbo di Mdabronutho Yothoyto d’Şigor mtayable knuşyo lu tbocofroso u qrele i maqırhonutho dfrısle calu tathir dgıtore u şuro dımşarele u Cıraq u bnoyayde me falge du yarho d’şafıcina 5 kilometre bıgawe d’Şigor ucala thume di Mdabronutho Yothoyto du Garybo udu Madınho d’Suriya.

Bi maqırhonuthathe d’qıryo mi rişonitho zawgoyto du Mawtbo, Ğazal Raşo, mahke calu qtolğenso dsımwlın a ğrobe marhıbone d’Dacış cala Ezidoye u m’akadla, du gerilla di PKK’we dhuwolın bu zabnawo ağono mqabıl da marhıbone u mhararwolın u camo mu qtolğenso.

Ğazal Raşo mırla; “Elo ucdo u gayso Cıraqoyo kıbone şuro beyn d’Şigor wi Gozarto-bi duktho dftıhwole u gerilla u koridor noşoyo la Ezidoye ula came hrene leşan dmitaxlısi me Dacış. U thumano cami Gozarto kımfaşqinale u darbo ihidoyo dkibe dmaxlaslan me hawxa şıkıl d’hçome dsımwolın a marhıbone.”

İ maqırhonuthathe du Mawtbo d’Şigor komır; “Ahna xıd Mdabronutho kımaslena u bnoyo du şurano u qatciyan-lıkmaqbılinale cal dıkqotıc u mazlo u mathyo beyn da 2 qlime. Kıtulbina dmıtakle u camlano ulo kino dsim mqabıl d’Şigor u kıtulbina’ste ma mşale Cıraqoye dmaydi tedbire noşoye u dmahti klayto leşan dlo mıbne u şurano.”