Cito hreto du camaydan b’Turabdin simo stabıl

Cito hreto catıqto du camaydan b’Turabdin, simo stabıl.

I cito d’Mor Aday dkıtyo 1.400 eşne catıqto bi qritho d’Basak dıknuflo qarıwto l’Midın, noşo lo nafıqla moro wu ucdo dsimo stabıl da haywotho.

A citotho wa dayre catiqe du camaydan b’Turabdin, fayışi harbotho u shifi cal di şultonutho lıknufqolın moro wa comure’ste latte mkono dımhathıthi a dukothathe a makthabzabnoye. Hdo ma citothani’ste, i cito d’Mor Aday dkıtyo bi qritho d’Basak dıknuflo qariwo l’Midın’yo.

I cito d’Mor Aday dıkmisım taxmin dbınyo 620 bıthır me Mşiho, a şuronayda heş kıfayşi bu şubhorathe elo bıthır mıd u camaydan mgalwewole ma qıryawothayde mcal fothe di aykanoyutho harıwto d’Turkiya, fayışo i cito lu qadarayda u noşo lo nafıqla moro.U camaydan dıksoyım socurutho me Urifi li qritho’ste, heş kımaqıth şamce eba.

Elo a comure d’Midın lıkhozın d’hano makfıyono’yo u ğalabe naqlat tlıblın mi wazirutho di mardutho udu turizm d’Turkiya dımhathıtho i cito u dmitahto bi lohitho di yortutho catıqto d’UNESCO, elo Ankara lo maşmacla b’ruha. Ucdo i cito d’Mor Aday-dkıtla kefe u arkitektur ğalabe şafiro, hawyo stabıl la haywotho.