Dayrayto Febi Matti Tuma mşanyo bu athro du Iraq

Dayrayto Febi Matti Tuma, mi celtho d’kewo mariro nqilo ma hayani bu athro du Ciraq.

 Mnohto dayrayto Febi, b’kull hubo ub’kull zadiqutho mşabela i cito Suryoyto Orthodoksoyto b’Lebnon ubu Ciraq l’zabno d’24 eşne.

 Dayrayto Febi Matti Tuma calu sabro di qyamto, nqilo ma hayani 28 bu yarho d’Şbot dşaficina bu athro du Ciraq bıthır me ağuno dhuwola mqabıl du kewo.  Mnohto Febi dkıtwa hdo ma dayroyotho di dayro d’Mor Yahqub Bırdıcono di Catşane b’Lebnon, mşabela i cito Suryoyto Orthodoksoyto l’zabno d’24 ışne.

Dayrayto Febi dkıtwe ışma u cılmoyo İncam, mawlıdowa b’Boğdod ban 1956, ubi şato dan 1995 qayıthwola sohdutho b’darğo di doktora bu haqlo di ardixlutho du mekanik mi bethsawbo du teknoloji d’Boğdod. Ban 1997 masırhowa dayrayto bi dayro d’Mor Yahqub Bırdıcono bu syomido du tlithoytube fatıryarxo Mor İğnatiyos Zakay I Bethciwas.

Beyn da 2000 uhula 2006, mşadrowa li mşablonutho di marcitho d’Boğdod, u mıdwola i mşalutho du duyoqo dcalu qentrun di tarbitho tawdithoyto udu tuyobo da şbile tawdithoye du maşıqlo şarwoyo u mescoyo b’Boğdod. Mnohto dayrayto Febi Matti Tuma, mıştawtafwola l’ğalabe turgome u lumode tawdithoye, u frıswola menyono celoyo d’kthowe.