Demirtaş sımle u bethdino d’Urifi da zedqe noşoye sturyo

U rişono catiqo du gabo demoqaratoyo da came Selahatin Demirtaş bi maqırhonutho dhule li sfaryawmo Finansial Times sımle sturyo u bethdino tibeloyo d’Urifi da zedqe noşoye.

 Bu sturyo dsımle mırle u bethino kımwaxır a fusqone u lıkmadcır funoye bu zabanthe cala bethdine dkowqın bhaq d’Turkiya.

Demirtaş dkıtyo hani zıttır me 4 ışne bu hbuşyo d’Turkiya mi celtho di hzayto folitiqoyto dkıtle sımle sturyo u bethdino emwotho da zedqe noşoye d’Urifi, metul dıkmawrxi u zabo da fusqone dkobın ba dacwat dıqmiqadmi bhaq da bethine d’Turkkiya dlı kobın fusqone kine.

Demirtaş bi maqırhonutho dhule mu hbuşyo li sfaryawmo d’Finansial Times mırle u bethdino ğalabe mwaxro kobe funoyo la bocwotho da msikoye da hbuşye folitiqoye dkıtne ba hbuşye d’Turkiya.

Demirtaş bi mawdconutheyde komır: bi sbutho du tekliyo da rişone da karxwotho dıkminaqın mu camo u kmitahıt b’dukthaye farsufe xayr u hathe magle acla mu gabo di HDP elo lıkmisim mede mqabıl.

U rişono catiqo du gabo di HDP Sellahtin Demirtaş bhaq du zabno dkıtyo hiye  bu hbuşyo mırle: cıl mıd mthabıt dkito lo kinutho bu qedomo di şıltonutho d’Turkiya, elo mede lı mşahlıf  u mede lıkmisim mqabıl d’Turkiya.

Demirtaş  mırle bu zabno dathiwo u rişono du bethdino Robert Spano dsımwo sturyo me ğalae falqe du kenşo cal dı yatu cam Erdoğan lo nahıt l’Omid laşan dhoze me qariwo da taşniqe wi barbroyutho dkuyo mqabıl da hbişoye dilonoyith siyasi.