DNA catiqto maglela cali asirutho baynoth Bethnahrin u Misir

Sbutho dheş hatho kşifo, xlıqla zmomo beyn da yadıcthone dcalu makthabzabno. Ba buhone dsimi, gıdmıjbori a yadıcthone dımhathıthi u yulfonathe cala esore dkıtwo beyn da mdinoywotho qamoye dbritho. Bu buhonano dsim cala garme dha Mısroyo dcaşwo bu zabno du bnoyo da pyramide qamoye d’Mısır, magle dkıtwole DNA me Bethnahrin.

A yadıcthone di bethsawbo Liverpool John Moores University kımawdıci da abohe du farsufano dkıtwe mu zabno dbeyn 4.500 uhol 4.800, me Bethnahrin’win u hathe inaqla qamayto’yo dıkmi’akıd b’kaşirutho u genetik/DNA dfarsufo mi mdinoyutho qamayto di noşutho. Awkith u buhonano kobe ithbate biolojik qrihe u baroye ba esore dkıtwo beyn da mdinoywotho qamoye du makthabzabno di noşutho. 

A ithbatani kım’akdiste a teoriye dan arkeolog ucala yadıcthone du makthabzabno dıkmahkın cala esore ucali tagorutho rabtho dkıtwo meqım alfayo d’eşne beyn da Mısroye uda came d’Bethnahrin wu şuşoto dsımwolın a camani bu haqlo di kthawto, di mardutho, di ardixlutho, du teknoloji uğer. B’Mısır mqafe ğalabe athare dkıtne mi  mdinoyutho d’Bethnahrin.

U farsufano dıkmitıftakır dkıwe hedor 60 eşne inaqla dınqil ma haye, metro u 59 sentimetre’we u kımahwe dkıtwole kewo da garme. U farsufo mqafe b’qahfo rabo ban 1902 b’qabro b’Al Nuwayrat d’Mısır wa garmayde heş towo mhafde’wın. Ma 2 şene-awkith carşe du farufano, qadiri a yadıcthone dımqafın i DNA’the dıkmadilo du farsufano kıtle asirutho b’Bethnahrin.