EGARTHO D’BUYOE DU MAWTBO UMTHOYO D’BETHNAHRİN Lİ EQARTHO BEHİCE KONUTGAN BETH STAYFO

İ myaqarto di emo du hadomo di Sictho Mdabronitho du Mawtbo Umthoyo d’Bethnahrin Musa Konutgan u bcayni zabno dkıtyo i bethzawgo du hadomo du Mawtbo Cebrail Konutgan Beth Stayfo, Behice Konutgan 22.11.2023 mi celtho du kewo bcumro dı 65 ışne bi mditho d’Gebenstorf bu athro dı Swisra nqilo ma hayani.

İ Mnohto di hılto Behice Konutgan dmawlıdo bi şato da 1958 bi mditho d’Bethzabday-Azakh b’Turabdin u barzawgayda dkıtyo Cebrail Konutgan Beth Stayfo, emo dı tlotho abneyo. İ mhasayto bıthır me cumro yarixo, cami eqarthayda mgalwela l’Urifi lu athro dı Swisra. İ mhasayto di hılto Behice huwla tacbo rabo qadiro dımhafdo u dmacişo i marduthayda bi hubo du athro, di tawditho Mşihoyto u ba timoyotho umthoye mawrawla a nacimayda wi eqarthayda. Gawonoyo xıd eqartho rohme u sanode du ağunaydanne. Ahnaste xıd ağuno bi idactho du tacbo u du dawro dkowelın an emothaydan a myaqre, bi hubo di mothonoyutho u di umthonoyutho ksaymina harake u kmacışina, a hasrat dıththe bu ağuno dkobina laşan i hirutho.

Bi ohnutho du husoyo di myaqarto di hılto Behice Konutgan Beth Stayfo xıd Mawtbo Umthoyo d’Bethnahrin bu şuroyo kımqadmina a buyo’aydan la hawronaydan Cebrail u Musa Konutgan Beth Stayfo u kfılğina u haşo mayiro di emathe didan i mothonoyto cami eqartho kula, u ktılbina me Aloho dmaşwela i malkutho şmayonitho.

Mawtbo Umthoyo d’Bethnahrin

Sictho Rişonutho

23.11.2023