ESU bu buyoneyde kmawdıc britho lıklozım dsıkto calu qrobo beyn Armenya u Azerbaijan

U huyodo Suroyo d’Urifi ESU frısle buyono bi sbutho du qrobo dkımdawım bayn du athro d’Armenya u d’Azerbaycan wa mdinoye gurşi i casqutho dkito.

ESU bu buyoneyde gorış u zuhoro cala hayle emwothoyo dıgsukti calu qrobano u Turkiya knuqlo marıhbone me Suriya lu qrobano.

U buyono  d’ESU kımşare ba melani hani zıtır me şabtho kımcaqbina u qrobano bhaşo rabo dkımdawım bayn latre athrawotho Armenya u Azerbaycan bi fnitho d’Nagurno Karabağ, u britho dkıtyo şatıqto.

Bu zabno dıbritho lbikaytoyo bu kewo di Corona a hayle du madınho mıscoyo u kavkase kımnasım dımşahılfi i aykanoyutho dkito.

Bu zabno dıbritho kşıtqo u lıgmakılyo u qrobano wu ruğzo da haylawotho d’Azerbaycan a athrawotho qlimoye ksındi u qrobano bu nqolo da hayle me Suriya l’Azerbaycan. Mathlo lu medano u tboco froso wa ithbate dkito kmahwın ftiho aydarbo Turkiya knuqlo marıhbone la kavkase.

Zıttır mathe a maqırhonwotho wa mamle da mşale d’Turkiya kmacımqi i bcelıdbobutho mqabıl d’Armenya u da mşihoye.

Bu zabno du qrobo dkımdawım u dmıfrıs ba dukotho da mdinoye la mdinotho kmamte lu bolo u qtolğenso dhawiwo meqım 100 ışne, mawxa u gurub d’Minsk u britho klozım bzabno karyo dmaklın u qrobo u dımşatsi maşıqlo du şlomo bayn Armenya u Azerbaycan u bebzabno dımyaqri u mabco du camo d’Nagurno Karabax awste Artsakh.