ESU frısle buyono bu yawmo şatonoyo di Sohdutho du rişonathe Matay Rabo

‘Bi rişitho; Kımathkırina u rişonaydan u myaqro İskander Alpetkin-Matay Rabo’, frısle u Huyodo Suroyo d’Urifi-ESU buyono bu yawmo şatonoyo di Sohduthayde.

 Bu buyonano ESU, mahkele cala fulhone dmaşewole u Sohdo Matay Rabo bhaqle u şutose frişe leşan a zedqe umthoye, folitiqoye u marduthoye du camaydan bu athro ubi golutho.

Bu şuroyo du buyonano dfrısle u Huyodo Suroyo d’Urifi-ESU komır; Bu siqumano d’adyawma-18 bu yarho d’İyor, a hadome, a hfite wa hawronaydan dkıtne b’athrawotho frişe d’Urifi, kımathkıri i Sohdutho du rişonaydan u qamoyo wu myaqro İskender Alptekin-hawro Matay Rabo, d’trelewolan ban 2010 bu athro d’Swisra.

ESU komır; Xıd rişono qamoyo du şutosaydan u dbıhwole nafşe lu ağono umthoyo du camaydan, u hawro Matay hawi mathlo bi şaxsiyayde, bi masiruthayde ubi çasarayde bu şfoco dcala qetre u casqotho u folahwo leşan u şuşoto du camaydan. Bu zabno di rişonuhayde, hfitowe ba haqle da şutose kenşoye, marduthoye u tawdithoye leşan u şuşoto d’dactith hatho lu camaydan.

ESU mırle; Camgabe dkıtwe hfito, u hawro Matay musqioro u amnoro qaşiro’we u trele bıthır yortutho dilonoyto u qawmonoyto. ESU cama şutosayde wa hadomayde, gıdmdawmi i warathe dtrele u hawro Matay bıthre  leşan u ağono du camaydan bnişo dmotina la zedqaydan a umthonoye, marduthoye u folitiqoye bu athraydan Bethnahrin.

Bu huthomo u Huyodo Suryoyo d’Urifi mırle; Bi cohnutho du yawmano, ESU wa hadomayde kulle kımathkri u cuhdono du hawro Matay bu ağono dıkmdawmi dobın bi yurtutho dtrele bıthre leşan u camaydan bu athro ubi golutho. U hawro Matay gıdfoyış b’hawnayna hol colam.