ESU frısle buyono calu qefoyo di şlado di mnohto Şmuni Diril

U Huyodo Suroyo d’Urifi ESU frısle buyono calu qefoyo di şlado di mnohto Şmuni Diril, dkıtwa mvayacto camu barzawgeyda Hermız Diril me 11 bu yarho d’Konun haroyo di şatathe uholucdo.

 ESU bu buyoneyde, tlıble rişo basimo li iqartho du kohno Ramzi Diril u mırle; isbuthathe ulsoytoyo dmitagle acla bşıkıl şaryo ubı kinutho.

U buyono du Huyodo Suroyo d’Urifi ESU kımşare ba melani; 11 bu yarho d’Konun u haroyo di şatathe, mvayciwo Hermız u Şmuni Diril. Atre farsufani dkıtne u babo wi emo du kohno di cito Kaldoyto du cameydan d’Stanbul, mqafyo athmıl i şlado di mnohto Şmuni Diril bu nahro dkıtyo qariwo li qritho d’Mahre. Elo i ctidutho d’Hermuz Diril heş latyo idıcto.

ESU bu buyonayde komır; mu zabno dmatilan u tebo du veyoco da tıre farsufe du cameydan, mcaqablan i sbutho me qariwo wu maşımcolan la dukotho ula folitiqore Urifoye dkıtlan esore acmaye. Be bzabno kıtlan sabro di sbutho di mnohto Şmuni Diril dmitagle acla bı şarirutho. Calathe klozım dmisım buhono şafyo u zalilo, dmidawmi a fulhone leşan dmiqafe Hermız Diril.

Bu huthomo du buyonano u Huyodo Suroyo d’Urifi mırle; Bu şıkılano bi qamayto ktulbina rişo basimo lu kohno di citaydan i Kaldoyto d’Stanbul Ramzi Diril, li rocithayde, li iqartho kula ulu cameydan.