09/06/2021

ESU grışle u zuhoro du Huyodo d’Urifi calu Sayfo dsımwola i mamlaxtho da Cuthmanoye ban 1915 calu camdaydan

U Huyodo Suroyo d’Urifi-ESU, grışle u zuhoro du Huyodo d’Urifi calu Sayfo dsımwola i mamlaxtho da Cuthmanoye ban 1915 calu camdaydan u Suryoyo Othuroyo Kaldoyo Oromoyo.

Lfuth i mawdconutho dmatilan me ESU, mşadarle egartho l’703 qoyume du Huyodo d’Urifi u tlıble menaye dmawdın bu Sayfo dsim calu camaydan.

Bu zabno dımqarawle u duxrono şatonoyo da 106 eşne du Sayfo dsim ban 1915 calu camaydan, mşadarle u Huyodo Suroyo d’Urifi ESU egartho l’703 qoyume du Huyodo d’Urifi dkıtne me 27 athrawotho frişe. Bi egarthayde ESU kıtolıb ma qoyume du Huyodo Urifoyo dlo fayşi şalye u dmawdın bu qtolğenso dsim calu camaydan mi mamlaxtho da Cuthmanoye.

Hıdo ma sebwotho rişoye di tahrazto da fulhone dıkmaşe ESU mu zabno di mşatsonuthayde uholucdo, u şwolo di mawdyonutho Emwothoyto bu Sayfo dsim bu zabno du qrobo qamoyo dbritho calu camaydan’yo. Bu tarano’ste, ESU kull şato dlo batlo, kımtayıb fulhone u hfitwotho frişe bu duxronano.

Ba hfitwothani dıkmisomi b’mdinotho u athrawotho frişe di golutho, a rişone zawgoye wa hadome hrene d’ESU kımaşın fulhone diplomatiqoye cama mşale Urifoye, kımahti klile d’warde cal qoyumyotho da Sohde u kısaymi mamle u huwlın şudoye. du ağunathe gıdmdawım bu darbo da Sohde dbıhlın nafşaye leşan i hirutho u hol du camaydan dmoyıd a zedqayde a umthoye.

Check Also

U şutoso d’Olaf Taw frısle buyono lu ray gawonoyo du camaydan

U şutoso d’Olaf Taw bu buyono dfrısle adyawma lu ray gawonoyo du camaydan, mawdacle dhın m…