ESU mşarele bu teltimo da imdat laşan maşmıc isbutho du Sayfo

U huyodo Suroyo d’Urifi ESU mabdele hfitutho laşan maşmıc isbutho du Sayfo lıbritho.

İ hfituthathe dkıtyo u hitabeyde lu huyodo d’Urifi mitaltım kirath ido awkith  imdat calu darbo du nawlo inaqayo u huyodo d’Urifi gıdmoyıd i sbutho du sayfo li ido.

U huyodo Suroyo d’Urifi bu zabnano dıbritho kfayto b’maşıqlo casqo da bnaynoşo laybın nıfqi larwal u mıştawtfi lı hfitwotho mabdelın hfitutho dkuleyna kiban mıştawtfina ele calu darbo du nawlo.

İ hfituthathe mıdla i sbutho du Sayfo dkıtyo u yawmo şatonoyo 15 bu yarho dothe d’Hzirın dsımlın dafo du nawlo dkiban mahtina i kirath ido awkith  i imdaydan dkımawdina bu sayfo, u hani bıthır mıd layimi ba alfowat gıdmitasılmi lu huyodo d’Urifi. Metul di hfituthathe mwacahtoyo lu huyodo d’Urifi.

İ dafathe  bıthır mıd ftiho bi dafo d’ESU mbarbızo ba dafe mşahılfe dkito baynothaye i dafeydan d’Suroyo tv.

U nişo du teltimo da kirath idayo awkith imdat dmıgrış u zuhoro calu sayfo u britho dı mawdiyo ebe, laşan u cameydanste dmitaqbıl xıd camo ba ışmoneyde kule.

Mıqa dhowe noşe dı mahti i kirathidaye bi dafathe haqqa u sayfo gıdhowele yuqro bıbritho u bayn da came hrene.