ESU sımle u duxrono du Sayfo bı dukotho mşahlıfotho d’urifi

U Huyodo Suroyo d’Urifi ESU, mathkarle u duxrono du Sayfo bı dukotho frişe.

 B’Belçika, bu Swed, b’Swisra, a rişone zawgoye, a hadome wa sanode d’ESU mathkarlın u Sayfo ba mamle ubu tehito da kafe d’warde cala qoyumyotho da sohde.

 B’Belçika Bruksel u rişono zawgoyo d’ESU Fehmi Vergili cama taşdarto sımlın socurutho li qoyumto du sayfo dkıtyo b’Bruksel u mahıtlın kafo d’Wardo qumi qoyumto laşan dmathnıhi a garme da sohde du sayfo dhawın u bahro da haye du cameydan.

Qumi qoyumtathe naqa hreto hulın u wacdo du ağuno dgımdawmi bu darbo da sohde dhulın ahayathe laşan i hirutho du cameydan hul dmımte lu myodo da zedqe umthoye du cameydan.

Bi mditho d’Örebro du Swed a sanode wa hadome d’ESU sımlın socurutho li qoyumto du sayfo dkıtyo qumi cito d’Yoldath aloho Meryem bi şawtho d’Varberga u mahıtlın kafo d’Wardo cali ruho da sohde du sayfo da 1915.

Harkeste sim mamle dmamte lu bolo u sayfo u bebzabno u mrodo dhulın a abohotheydan b’Turcabdin mqabıl da bcelıdbobe dkıtwolın nişo d’quşci u cameydan. Me gabo hreno bu athro d’Swisra İ rişonitho zawgoyto d’ESU Ayfer Gabriel sımla mamlo la hadome u sanode d’ESU dkulha tcınwole luho dkıtwo kthawto du sayfo acla.