ESU u Mawtbo da Ezidoye frıse buyono meştawtıfo lu ray dıbritho

U Huyodo Suroyo d’Urifi-ESU wu mawtbo da Ezidoye d’Şigor bi golutho frıslın buyono mşawtıfo dıkurhi ebe u tecmiro di maşritho la marhıbone bi daşto d’Ninwe.

 Bu buyono atre gabe sımlın qrayto la şutose dıbritho uli şultonutho du Iraq dkolın mqabıl du tecmiro di maşrithathe, dgıdobo husrono la came dıkhoyın bi daşto d’Ninwe.

 U buyono mşawtıfo kımşare ba melani, kşımcina u qorina bhın ma mabuce du tboco froso di şultonutho du Iraq kıbco dı macımro maşritho la marıhbone dkıtne msike b’Suriya bi hiğmonutho d’Ninwe. İ sbuthathe maqharla u kımacçızo u camo Kaldoyo-Suryoyo-Othuroyo wu camo Ezidoye dı fayişi bi daşto d’Ninwe.

U daşto d’Ninwe wi fnitho d’Şigur dukotho ulsoye di coğrafya du athro du Iraqne dıkcoyış u camo Yezidoyo wu camo Kaldoyo-Suryoyo-Othuroyo dhulın yuthrono rabo lu Iraq. Atre gabe mathlone datre came da Yezidoye u da Kaldoye-Suryoye-Othuroye bu buyono mşatıfo dıfrıslın mahwelın i klaytathe dkıtne mqabıl du tecmiro dhawxa maşritho da marıhbone bu daşto d’Ninwe dhawyowa qurbono li barbroyutho da marıhbone dı Dacş

U buyono komır hawxa tecmiro d’maşritho gıdfotıh tarco hatho da marıhbone dmawrıqi me hatho naqa hreto bu daşto d’Ninwe. U buyono komır; britho hzela u mawdela bu qtolcamo dhawiwo cala Yezidoye u cala Kaldoye-Suryoyo-Othuroye wa came hrene mawxa ksaymi qrayto lıbritho dıkılyo qumdhawxa tecmiro d’Maşritho dkiba obo husrono rabo la camani u la came hrene dıkhoyın bi hiğmonutho d’Ninwe.

Bu huthomo du buyono atre gabe da came ktılbi mi şıltonutho du Iraq dı makle u tecmiro dhawxa maşritho u be bzabno a atharwotho d’Urifiste dı saymi hboso dlo mitahwe husrono li coğrafya ulsoyto du athro du Iraq dkıtyo u daşto d’Ninwe wi fnitho d’Şigur