Fleşt maqımle aqyomeyde camu athro d’İsroyel

A Fleştoye, gıdmaqimi a qyome dımdewolın cam İsroyel u Amerika.

U rişono da Fleştoye Mahmud Abbas mawdacle, gıdmakle a qyome kulle dımdewolın cam İsroyel u Amerika, xıd funoyo lu plan dkıtla Tel Aviv kıbşo falqe dan arcotho d’Dıffa i Macırboyto.

Bu mamlo dsımle u rişono da Fleştoye Mahmud Abbas mırle; Bu teqimo da qyomani dımdewolan cam İsroyel u Amerika, gıdtucno ucdo Tel Aviv i mşalutho kula xıd haylo kaboşo. Bu zuhorano dsımle Abbas mawdacle, gıdmakle a qyome kulle dımdewolın cam İsroyel u Amerika, xıd funoyo lu plan dkıtla Tel Aviv kıbşo falqe dan arcotho d’Dıffa i Macırboyto.

Elo bıthır mi maqırhonuthathe, u rişono Fleştoyo maklele planayde du teqimo da qyomani wa folitiqore Fleştoye’ste mawdaclın du gzomano d’Abbas lıgmakle İsroyel mu kboşo dfalqe man arcotho d’Dıffa i Macırboyto udi daşto d’Yurdnon. U planano d’İsroyel’ste, lfuth i tahrazto dkıtle u rişono Amerikoyo Trump leşan u terkiwo du şlomo beyn d’İsroyel uda Fleştoye’yo.

U planano d’Trump mawdacwo bu yarho d’Konun u haroyo dı şafıcina u lfuth i tahraztathe’ste, 70 ba mo d’Dıffa i Macırboyto wu Xtuto d’Ğazza kule da Fleştoye’yo u acmaye’ste sahmo du madınho d’Urışlem. Elo a Fleştoye, kıbci u Macırbo d’Dıffa kula, Ğazza u madınho d’Urışlem u rfıdwolın u plan d’Amerika.

Lfuth a folitiqore Fleştoye, a tahdidani d’Abbas holucdo lo m’atharlın cali şultonutho d’İsroyel u loste cali mawdyonutho d’Woşington b’Urışlem xıd arişkoyto d’İsroyel.Elo naqla hreto kıtte sabro, da gzomani d’Abbas dsaymi hboso cali şultonutho d’Tel Aviv dımbayno i şaryutho dı dukotho frişe d’Dıffa i Macırboyto u bebzabno, dmıtyo i egarthathe l’Woşington leşan dımşahlıfo i siyasayda wa tedbirayda mqabıl da Fleştoye.