20/05/2020

A gabe Kurdoye d’Suriya mhalaqe dawsat ulsoye bi sbutho di hdoyutho

A gabe kurdoye dkıtne b’Suriya mhalaqlın dawse ulsoyto bu darbo di mhaydonutho da gabe dımşataslın şutoso tahte du ışmo hdoyutho umthoyto kurdoyto da gabe.

Bi sbnuthathe Amerika u Fransa sımlın itawyotho mşahılfe laşan dımqadmi a gabe kurdoye d’Suriya lıhdode.

Bıthır me itawyotho mşahılfe dıhawın bi mıscoyutho d’Amerika u d’Fransa a 25 gabe da kurdoye dkıtne b’Suriya mıtafaqlın dımşatsi şutose dkıtyo lalcıl ma gabe kule u mahıtlın ışme hdoyutho umthoyto kurdoyto da gabe.

Bu knuşyo dhawi athmıl bayn a 25 gabe kurdoye dkıtne m’Suriya mıdlın fusqone dnuqli i mhadonutho da kurdoye lı darğo celoytır ma gabe.

Afusqone dmıdlın bu knuşyo dhawi b’Qamişli hanine, micaqbi a şuşote dkowın u misım fulhone mşawtıfe tahted du şutoso dımşatıs ma gabe.

Laşan u droşo wu nuholo da şuşote dkowın me zabno lı zabno misım knuşye bayn da mathlone da 25 gabe dımtafaqlın cam hdode.

Bi sbuthathe u haylo d’mahatlın Amerika u Fransa bi sbuthathe mati lı duktho lu yuthrono da Kurdoye.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…