Fris u flim d’Aida schlaepfer b’New Jersey d’Amerika
İ mafqonitho du flim dokumenter dcalu Sayfo-Ruhotho Coburyotho, Aida Şlefer al Hassani hadiro u froso du flimayda bhdo ma sinemat d’Amerika. U froso du flimano d’Souls in Transit, mahwe’wo 15 u 17 bu yarhano d’Hziron ba sinemat d’Teaneck b’New Jersey u b’Worchester.
NEW JERSEY, Amerika – İ mafqonitho du flim d’Ruhotho Coburyotho Aida Schlaepfer camu mathlono d’ESU Şlemun Rhawi sımlın socurutho l’Amerika leşan u tehwiyo du flim dokumenter dsim calu Sayfo mayiro dan 1915. Frıswo 17 bu yarhano d’Hziron bu snodo di cito d’Yuldath Aloho b’Worchester, bi sinema b’Regal cinema Solomon pond mall.
U flimano di Aida dıkmahke calu makthabzabno du camaydan wu qtolğenso mayiro dsımwola i mamlaxtho da Cuthmanoye acle ubebzabno, a qatle barbroye haroye dhawın ba dore haroyani; beynothaye u qtolcamo dsımwole Dacış, marğaşle a hadire calu makthabzabno catumo du camaydan.
Meqım mu feroço du flim, kle qatınto d’şetqo wa kohne dkıtwın hadire maqımme a taşmışto cali ruho da Sohde. Bıthır mıd u camo mfaraçle’ste u filmano d’Souls in Transit, i mafqonitho Aida u mathlono d’ESU, mahkelın cali ulsoyutho di mawdyonutho bu qtolğensano u mfanelın a şwole da hadire uğer’ste huwlın a renye wa hzayothathe calu flimano du Sayfo dan 1915.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
