Ftih 20 dukane b’Telkepe bu daşto d’Ninwe

Bi qastra d’Telkepe bi daşto d’Ninwe bu Iraq, sim u futoho d’20 dukane di tagorutho bıthır mıd kamili a fulhone du hethothathe.

 İ tarmithathe d’snido mu Tukoso Amerikoyo du Quyomo Emwothoyo-USAİD, mcadarla u dcoro d’hammış yaqrotho mu camaydan li qastra d’Telkepe.

İ qastra d’Telkepe dıkhoye eba came u mathhabe tawdithoye mşahılfe, shıfwo u benyonayda u tahtoyo udi mşablonutho kenşoyto bu zabno dıkbışwole u tukoso marhıbono d’Dacış i daşto ba 2014 u l’zabno d’3 eşne. Bıthır ma cuqobe du huroro, ucal di şultonutho du Iraq lo sımwola u mede dıkmıntarwo mena, a tukose noşoye du macırbo sımlın fulhone sagiye.

A şutose u tukose sımlın tarmıyotho du bnoyo du benyono tahtoyo, u mqadamlın a mşablınwotho da maye, du kahrobo, du hulmono uda madraşyotho uğer lan abne di daşto. U Tukoso Amerikoyo du Quyomo Emwothoyo-USAİD kıtwole sahmo rabo ba fulhone dsimi, bnişo dmitarkıwo i şalyutho ba fenyotho dhzelın husrone rabe bi daşto d’Ninwe, beynothaye Telkepe.

Bu haqlo du şuşoto du momuno gawoyo, USAİD snıdle a fulhone du hethotho udi mtaybonutho d’tarmiyotho di tagorutho b’Telkepe bi methcadronutho du şutoso dıkqore ruhe; U lqoyo da hawrone di claymutho. Uba yawme haroyani sim u futoho d’20 dukane d’sıncat mşahılfe.

 Hani hawın mcadrone bu şuşoto du momuno, bu qefoyo d’gade du fulhono, bu teqwiyo du tuxlono beyn da kenşe ubu dcoro da galwoye la botathe, beynothaye 5 yaqrotho mu camaydan dhani 7 ışne cayşiwo b’şartat casqe di golutho.İ tarmithathe dftıhla darbo qum du dcoro d’yaqrotho mu camaydan l’Telkepe, kobo sabro l’yaqrotho hrene, dhınne’ste dmıftıh b’qamuthaye u darbo du dcoro, en dmitahwelın hawxa gado.