Ftih dacwa mqabil tukoso da neşe b’Turkiya

STANBUL – Kadın Cinayetlerini Durduracağız Platformu-awkith u plattform-Ahna gıdmaklena u qatlo da neşe, dkobe ağono leşan a zedqe da neşe b’Turkiya, kıloqe ucdo qetro hreno rabo ba fulhone dıkmaşe leşan u hefodo da zedqe da neşe bu athro. Mqabıl du tukosano, ftıhle u makthbo du mqımdino d’Stanbul dacwa mqabıl dide bnişo dsoxarle.

I dacwathe du makthbano ftiho mqabıl du tukoso, ma thome du dyoşo da qonune udu moral du athro. Bi maqırhonutho dfriso mu tukoso a neşe mırlın; Ahna lıkmfaşqina i dacwathe xıd hçomo belhude mqabıl du ağonaydan-elo hçomo mqabıl du renyo demoqratoyo kule’yo.

U tukosano da neşe mırle’ste; U groşo di şultonutho mu qyomo d’Stanbul, hawi celtho d’zoyıd u dqoşe u cnufyo wa qatle da neşe b’Turkiya u calathe kımarırina i qroytaydan, d’ducro l’Ankara lu qyomano u dımhafdo a zedqe da neşe.

Ba kampanyat dıkmaşe u tukosano b’Turkiya kobıc dmakle u qatlo da neşe bu athro u kısoyım i şultonutho d’Ankara sturyo calu şetqayda mqabıl du cnufyano dıkmisım cala neşe. Bebzabno u tukosano da neşe, kımtayıb taşrore calu mınyono da neşe dıkmıqtoli mu cnufyo du gawro u lfuth u taşroro d’belhude du yarho d’şafıcina, qtılwo 24 neşe bu athro.