Ftih madraşto du yulfono mşihoyo b’Basra bu Iraq

İ marcitho di cito Kaldoyto d’Bobel bi mdito d’Basra bu tayımno du Iraq, mşarela me hatho bu tehwiyo du yulfono Mşihoyo u marduthoyo la nacime di marcitho.

U yulfonano dmaklewo bi şato dşaficina da 2020, kmıştawtafle ucdo zıd me 60 talmidhe u talmidhyotho.

İ cito Kaldoyto d’Mor Afrem d’Basra, mşarela me hatho dobo u yulfono di tawditho Mşihoyto u yulfono marduthoyo la nacime di marcitho. İ hfituthathe kmisomo bi methcadronutho di cito Ewangeloyto athronoyto du Iraq, ubi sdirutho dcamu ferco du yulfono Suryoyo di tarbitho d’Basra.

İ tahrazto yulfonoyto dkiba’ste hfitwotho u teştecnye la nacime, mşarela 09 bu yarhano bıthır miqticutho dımdawamwola zıd me şato mi celtho du virus d’Corona.

Lu futoho di tahrazto yulfonoyto, mıştawtafle u rişono di marcitho d’Basra hasyo Mor Habib Alnofali dsımle mamlo, u kohno di marcitho Xuroyo Cimad Albanna, u mdabrono du ferco du yulfono Suryoyo di tarbitho d’Basra Nasim George, a malfone du yuflono Mşhoyo u zıd me 60 talmidhe u talmidhyotho.

Lfuth i tahrazto yulfonoyto, gıdmiqadım herge şabthonoye du yulfono Mşihoyo la nacime di marcitho Kaldoyto di mdito d’Basra.