Ger Pedersson sımle qroyto dmitabde droşe bayn Rusya u Amerika

U mathlono dilonoyo d’Emwotho Mhaydotho b’Suriya Ger Pedersson, sımle qroyto dmitabde droşe bayn Rusya u Amerika, laşan dımcadri bu teltimo du qrobo d’Suriya dhani zıd teşco ışne kımdawım b’gawıd du athro.

Pedersson mırle “Amerika u Rusya atre hayle rabani kibın dmıştacın dawro rişoyo bu tetimo du qrobo b’Suriya”.

U mathlono dilonoyo d’Emwotho Mhaydotho b’Suriya Ger Pedersson, athmıl bu mamlo dsımle la hadome du mawtbo di mşaynutho, sımle qroyto l’Amerika ul’Rusya dmabdın u diyalog udımhalqi dawse du şlomo, bnişo dmitatım u qrobo admonoyo dhani zıd teşco ışne kımdawım b’Suriya.

Bu mamlayde Pedersson mırle “banışne dşaficina kıtwo ğalabe gade dımvayci dgıdnıqliwo Suriya mu maşıqlo du qrobo lu maşıqlo folitiqoyo. Bıthır ma gadanık dımvayci, u cnufyo naqla hreto mhathıth wa klayotho da hayle qlimoye u emwothoye qaşın. Mawxa klozım dlımikarır u medano”.

Be bzabno, Pedersson mawdacle dcıl mıdu cnufyo naqıs bu zabnano ducdo, elo naqla hreto kibe dqoşe bayn zabno dhowe. Ukitoste fsoqsabro cal du maşıqlo folitiqoyo lımhaqaqle hul ucdo u mede dıknotarwole u camo d’Suriya.

Camgabıdathe, Pedersson bi maqırhonutho dhule la gelyunore mawdacle da gabe saqıbloye d’Suriya matın l’awyutho dmıştawtıfi l’knuşyo hatho, bnişo dmitabdın a’bazare wa droşe dcalu nomuso esonoyo hatho d’Suriya.

Pedersson bi maqırhonuthayde grışle u zuhoro cali şalyutho du qrobo dkobo aftho dıdocır u tuxlono bayn di şultonutho wi saqıbloyutho d’Suriya mırle ste “a’gabe saqıbloye matın l’awyutho cali tahrazto da fulhone du knuşyo dgıdmitayıb bi mditho d’Çenev, wu zabno du knuşyano masroyo cama tedbire dkito mqabıl du virus d’Corona”.