Gıdmitayıb hfitwotho mşahılfotho bu athro uba athrawotho d’Urifi u gıdmitathkıri a sohde d’MUB

U Mawtbo Umthoyo d’Bethnahrin dıkmaşe ağuno umthoyo du camaydan mbayanle 10 bu yarho d’Teşrın u qadmoyo, duxrono da Sohdeyde dıfdelın a hayathe bu ağuno dmaşelın.

Bi cohnutho du duxrono şatonoyo da Sohde, ramhıl gıdmitayıb hfitwotho mşahılfotho bu athro uba athrawotho d’Urifi u gıdmitathkıri a sohde d’MUB.

A şutose du Mawtbo Umthoyo d’Bethnahrin MUB ba wahde frişe dıkmaşın fulhone ebeye, mtayabbe hfitwotho lu duxrono da sohde du ağuno. 10 bu yarhano d’Terşin u qadmoyo gıdmitahkıri ba casrowat Sohde dfdelın a hayathe leşan u ağuno umthoyo di hirutho du camaydan dıkmitaşe bi rişonutho d’MUB.

Ramhıl kıtyo 10 bu yarho gıdmisım zuhoyo la sohde ba bethqbure da Sohde d’MUB bi mdito di Hasake d’Suriya. Me gabo hreno gıdmitayıb duxrono hrene bcayni yawmo bi mdito di Qamışli’ste. Ban athrawotho frişe d’Urifi’ste ramhıl gıdmitathkıri a sohde d’MUB.

Bu athro d’Almanya bi mdito d’Gutersloh bi şoctho da 2 dfalge d’yawmo gıdhowe hfitutho bi Bethmardutho. Bi mdito d’Giessen bu salon di cito d’Mof Afrem u Mor Theodoros cam tahrazto u mıştawtıfonutho d’camo, gıdmisım u duxrono da Sohde. Falqe ma hfitwothani gıdmıfrosi hayo b’Suroyo TV’ste.

Camgabıdathe’ste bu athro d’Hollanda bi mdito d’Hengelo bi Bethmardutho Suryoyto gıdmitahkıri a Sohde bi şoctho da 7. Wu duxronano gıdmıfrıs hayo bu froshezwaydan Suroyo’ste. U Huyodo Suroyo d’Urifi ESU’ste bi Bethmardutho d’Bethnahrin d’Bruksel cami claymutho d’ESU gıdımtaybi hfitutho la sohde dıgmşaryo bi şoctho da 2 d’falge d’yawmo. Falqo mi hfitutheste gıdnuqlinala la mfarçonaydan hayo.

Bı Swisra’ste gıdmitayıb duxrono gıdımşare bi şuctho da 3 dfalgıdyawmo b’Unterterzen dı Swisra. U froshezwaydan Suroyo’ste camgabe dgıforıs hın ma duxronani hayo beyn di şoctho da 2 u 4 hayo cam tahrazto. Gıdmitayıbste tahrazto dilonoyto leşan u yawmo da sohde MUB hayo mu studyo d’Suroyo TV cam tahrazto d’mamle, mimre, u musiqi.