U qoyumo du camaydan bu parlamento du Swed Yusuf Aydin, hadır u lumodo Emwothoyo dsim leşan u dactith da Mşihoye d’Lebnon

BUDAPEST, Hungaria – Bi maqırhonutho dfrısle u qoyumo du camaydan bu parlamento du Swed mu gabo da Mşihoye Demoqratoye mawdacle, dhadır ba yawmotho dşafıcina u lumodo Emwothoyo dımtayıb bi rişitho; U Dactith d’Lebnon-b’hzayto Mşihoyto, dsim bi arişkoyto d’Hungaria-Budapest. U lumodano mdabır mu notarozo Andrej Azbej dıkhoyır cali aykanoyutho da Mşihoye dıkmitafiti ba rdufye.

Yusuf Aydin mahkele bu lumodano’ste hadır mınyono celoyo d’mathlone u mşale me citotho, folitiqore u gabe Mşihoye uğer mathlone me dukotho frişe d’Lebnon uğer athrawotho. Bu lumodano drışwo u terkiwo d’şıkıl mekanizma leşan tawtır dmısnodi a dukotho da Mşihoye wu gadathe b’Lebnon mqabıl da casqotho. Camathe’ste dmitaqwın a Mşihoye du Madınho Mescoyo bu haqlo folitiqoyo, momunoyo u kenşoyo. 

Bu mamlayde u qoyumo mırle bi dafayde; Bu mamlaydi, kalino calu dawro ulsoyo dkıtla Lebnon leşan u terkiwo du şlomo udi şalyutho bu Madınho Mescoyo u dilonoyith, cali ulsoyutho dımdawmo i ithutho da Mşihoye bu qlimo. Camathe’ste, i sniqutho dkito l’methcadronutho beyn da Mşihoye udu kenşo Emwothoyo u acmaye u Swed’ste, dımbayni strateji hatho d’mcadronutho leşan u şeçoco di hirutho di tawditho u lğer fulhone tawdithoye lu şuşoto da zedqe da qalilotho-dilonoyith da Mşihoye dıkmitafiti b’rdufye bu qlimano.