Guteres tlıble ma rişone tawdithoye dhowın mcadrone bu zabnano du kewo

U notarrozo d’Emwotho mhaydotho Antonyo Guterres sımle qrayto la rişone da tawdiyotho kule dmaklın ultomo du camo lıhdode ba yawmotho da cedo dkıtna bı qamutheydna.

Bi maqırhonutho dıfriso calu darbo du malolo ruşmoyo tlıble ma rişone kule dımqadmi slawotho la cawode du hulmono u da galwoye, u sımle qrayto lu fulhono mşawtfo u awyutho dcamhdode mqabıl du kewo di Corona.

U notarrozo gawonoyo d’Emwotho mhaydotho bi maqırhonutho dıfrisole komır. U  cedano di qyamto d’Mşiho, u bu cedo du fesho da Yudoye wu yarho du ramazan da maşılmone howın brixe, u ba yawmotahni ksamno alxu qrayto dilonoyto.

A yawmotho da cede yawmotho da yaqrotho dıglıtmi lıhdodene idicoyo, elo anaqqa  kıtlan sbutho dilonoyto, a şuqone xalyene, a dukano sxirene, wa botay slawotho xalyene, mawxa ktılbina da yawmano dı fayti ba slawotho dlaşan a cawode du hulmono wa cawode dcama galwoye u hani dı latlın sutoro nafşoyo .

Bu huthomo di maqırhonutho Guteres ksoyım qrayto la rişone da tawdiyotho kule, dhowe fulhone mşawtfe, awyutho u b’haymonutho kiban ğılbina u virus di Corona .