Ha ma comure di qritho d’Arbo d’Turabdin dımgalwele l’Almanya gıdbonele bayto bi qritho d’Arbo

Marawge Arsan dkıtyo ha ma comure di qritho d’Arbo d’Turabdin dımgalwele l’Almanya gıdbonele bayto bi qrithayda Arbo.

Leşan dmohe u rawşo qadmoyo du bnoyo du bayto maczamme u Qoyumo Suryoyo Tuma Çelik.

Marawge Arsan ha ma comure di qritho d’Arbo’yo dımgalwewole l’Almanya bi şato dan 1984. Ocdo huwe wa nacimeyde gıdbonın bayto bi qrithaththe Arbo. Leşan dmişare bu bnoyo du baydano maczamme u qoyomo Suryoyo Tuma Çelik leşan dmohe u raşwo qadmoyo.

Tuma  Çelik bu mhoyo du rawşo mırle; ”A Suryoye dcayişi hani olufe ışne bu cafrano leşan dımdawmi i ithuthathe, hol adyawma şafici me casqwotho mafiti ma qtolğense u cayişi dişutho. Ba dyoşe dcayişi ba 1990’yat fayişi jbiroye dımgalwın mu athraththe. İ naqa dımgalwelın lıdciwo b’mın gıdloqın, haye hathe nıtarwolın. A hayani lulelın a hayaththe dkıbci, kul naqla cayişi lhiqutho lu cafraththe. Kul naqla hawilın mabco dıbri lu athraththe. Adawma u mede dkıbcina dsaymina harke, ha ma abne du camaydan u Suryoyo Marawge Arsan gıdbone u baytayde bi qrithayde Arbo, ahnaste leşan du medano kımhena u rawşo qadmoyo, u kımmina howe calu ğer.”