31/05/2021

Hasyo Benyamen Ataş qayıthle şukono

İ mcalyutho du efetrufo fatıryarxoyo di marcitho du Swed mor diyosqoros Benyamen Ataş mnaqe xıd izgado du şlomo mu taraf du şutoso tibeloyo di izgadutho dkıtyo u qentruneyde b’Arjantin.

Bu mamlo dhawilan dımhanelan mırle hano i wolitheydan yo dfısina u şlomo d’mşiho.

I mcalyutheyde 28 bu yarhano d’iyor mawdıc ele dımnaqe izgado du şlomo mu taraf du şutosano dkıtle hadome b’bıbritho u mşadır ele sırto bi hiyoyutho dımnaqe xıd izgado du şlomo mu athro du Swed.  Be bzabno mawdıc ele di hiyuyotho di wolithathe dkıtyo teşmeşto li noşutho gıdmişadro calu darbo di wazirutho di gawoyutho du Swed li mcalyutho d’Mor Diyosqoro Benyamen Ataş.

U şutosano dkıtyo u qentruneyde bu athro d’Arjantin bıthır mıd mşayelın cala haye wa klayotho dkıtle u efterufo fatıryarxoyo hzelın dminaq xıd ha ma hadome du şutosano dımathıle bu Swed xıd izgado du şlomo.ö

Bu mamlo dhawilan cami mcalyutho du hasyo mırle hano nıshono li cito suryoytoyo u be bzabno u şubhoro di marcitehydan yo dımnaqene lhawxa wolitho dkıtyo ha ma darbone dımşiho dmahwelelan dhowina izgade du şlomo.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…